طريقة عمل بلح الشام من مطبخى هتاكلى صوابعك وراه.احلى طريقه لبلح الشام 2016
الخميس أكتوبر 20, 2022 6:32 am
النهرده جايبالكم طريقة عمل بلح الشام من مطبخى وتصويرى
حصرى لعيونكم
حبيت افيدكم بعجينه نجحت معايا اتمنى تجربوها
هو باين انه صعب انما والله اسهل منه مفيش والنتيجه روعه
واحلى من الجاهز كمان
يالاه شمرى كمامك وتعالى ورايا
وشايفاكى ياللى مقومتيش قومى يابت هههههههههه
شكلى رغيت كتير تعالو بينا يالاه
بسم الله
المقادير هتكون كالآتى
2 كوب دقيق لجميع الاستخدامات
4 بيضات
1 معلقه فانيليا سايله
2 كوب ماء فاتر ( من الحنفيه يعنى )
ربع كوب زبده او سمنه
حطى كوبايتين الميه وعليهم معلقة زيت او سمنه او زبده زى ما تحبى
[b]ويغلو على النار بالمنظر ده
اول ما تغلى الميه حطى كوبايتين الدقيق وقلبى بمعلقه خشب
لحد ما تبقى عجينه زى كده
وبعدين سيبيها تبرد خالص مع نفسها ساعه اتنين براحتها
حطى ايدك هتلاقى العجينه بردت خالص
وبعد كده حطى البيض بالتدريج
هنحط البيضه التانيه بعد ما اختفت الاولى بالتقليب
هنحط البيضه التالته
وهنلاحظ ان الاولى والتانيه اختفو تماما
ونحط البيضه الرابعه الاخيره ونقلب
[/b]
[b][b][b]وهتلاحظى قوام العجينه خف معاكى
هنا هنحضر كيس حلوانى علشان نحط العجينه فى
وهنا بعد ما حطيت العجينه فى الكيس الحلوانى بالشكل ده[/b][/b]
[b][b]ولو فضلت عجينه فى الحله معاكى غطيها لانها بتنشف بسرعه
هنا الزيت يكون دافى ميكنش سخن
علشان العجينه متحمرش من بره وتبقى من جوه مش مستويه
وابدئى بتقطيع الصوابع
وده شكلو شوفو ازاى من جوه هش
ممكن نحشى كريمه او باستيال
يكون الشربات بارد وبلح الشام سخن
نحط بلح الشام فى الشربات ونطلعه بسرعه
وبعدين نرصه فى طبق ونزوقه بشوية جوز هند
والطبق ده مش محشى كريمه
صوره اخرى للتشويق
[/b][/b]
[/b]تحت امركم فى اى خدمه او استفسار
واتمنى التقييييييم ولا تنسونى من صالح دعائكم
صلاحيات هذا المنتدى:
لاتستطيع الرد على المواضيع في هذا المنتدى